Z on kraj Drave (CD)
Uglazbljene pjesme Ivana Večenaja Tišlarova
razni izvođači
2001.
Z on kraj Drave
uglazbio M. Makar
pjeva Janja Ivančan
Z on kraj Drave lepa je ravnica,
z jene Drava a z druge granica.
Šmrčki cvrče, čičur si popeva,
ševa z kukmom oblake zadeva.
Prekodravje, pole okre Gole,
sto put z mukom preorano pole.
V Božji ruki prva šaka blata,
v naši hiži šenica od zlata.
Kam god ideš puta znaš,
pole je kak pajdaš.
Jemput zemeš, tri put daš,
pole je kak očenaš.
Zonkraj Drave zavičaj počiva,
greje sonce a rosica vmiva.
Dok ga orjem preveč mi je blata,
dok ga slikam fali mi još zlata.
Selo Gola
Pokažite vi nam selo,
koje zgleda kak raspelo.
Na križanju dok stojite,
celu Golu vi vidite.
Selo Gola ima kaj drugi nemajo,
tam i ftiči drugač popevajo.
Vu Goli se i drugač govori,
i drugač se dragom Bogu moli.
Za Golu se denes v novinami piše,
da se v Goli i piše i riše.
Svetske knjige za nju so pisale,
spomen Goli veliku so dale.
Svojem selom mi se ponosimo,
ni imenom koje ima mi se ne sramimo.
Selo Gola iako je malo,
vu svetu je veliko postalo.